ನಂಜರಾಯಪಟ್ಟಣ ಡಿ.26: ಕೊಡಗಿನ ಪ್ರಮುಖ ಪ್ರವಾಸಿ ತಾಣಗಳಲ್ಲಿ ಒಂದಾಗಿರುವ ದುಬಾರೆ ಸಾಕಾನೆ ಶಿಬಿರಕ್ಕೆ ಸಾಲು ಸಾಲು ರಜೆಯ ಕಾರಣ ನೂರಾರು ಮಂದಿ ಪ್ರವಾಸಿಗರು ಆಗಮಿಸುತ್ತಿದ್ದಾರೆ. ಕಾವೇರಿ ಹೊಳೆ ದಂಡೆಯಲ್ಲಿರುವ ಈ ಪ್ರವಾಸಿ ತಾಣದಲ್ಲಿ ಸಾಕಾನೆ ಶಿಬಿರ ವೀಕ್ಷಿಸಲು ಹಾಗೂ ನದಿಯಲ್ಲಿ ಬೋಟಿಂಗ್ ಮಾಡಲು ಪ್ರವಾಸಿಗರು ಮುಗಿಬೀಳುತ್ತಿದ್ದಾರೆ. ಖಾಲಿ ಖಾಲಿಯಾಗಿದ್ದ ಈ ಪ್ರವಾಸಿ ತಾಣದಲ್ಲಿ ಕ್ರಿಸ್ಮಸ್ ಹಾಗೂ ವರ್ಷಾಂತ್ಯದ ರಜೆಗಳಿಂದ ಪ್ರವಾಸಿಗರ ಆಗಮನ ಸ್ಥಳೀಯ ಹೋಟೆಲ್ ಅಂಗಡಿ ಮುಂಗಟ್ಟುಗಳು, ಹೋಂಸ್ಟೇ ವ್ಯಾಪಾರೋದ್ಯಮಿಗಳಿಗೆ ಹರ್ಷತಂದಿದೆ.
